Fréttir

Íslandsmót golfklúbba 2026 í 1. deild kvenna hófst í dag, 13. ágúst, og fer fram á Hlíðavelli hjá Golfklúbbi Mosfellsbæjar. Mótinu lýkur 15. ágúst. Átta af sterkustu golfklúbbum landsins taka þátt í mótinu í ár og er Golfklúbbur Skagafjarðar einn af þeim.

Atvinnulífssýning Skagafjarðar verður haldin í íþróttahúsinu á Sauðárkróki helgina 19.–20. september nk. Sem fyrr er sýningunni ætlað að varpa ljósi á þann fjölbreytileika sem er í þjónustu, framleiðslu, mannlífi og menningu í sveitarfélaginu ásamt því að vekja jákvæða athygli á samfélaginu.

Það er Gunnar Ásgrímsson frá Sauðárkróki sem svarar Rabbinu í þetta skiptið. Hann er fæddur aldamótaárið 2000, sonur Gurru og Ása (Guðrúnar Sighvatsdóttur og Ásgríms Sigurbjörnssonar), býr í Reykjavík sem stendur og segist vera barnlaus einhleypingur. Gunnar var að útskrifast sem stærðfræðikennari frá HÍ og vinnur nú í Háteigsskóla í Reykjavík. Sumrinu segist hann helst ætla að eyða í að ferðast og vinna með ungliðum í xNei fyrir atkvæðagreiðsluna í ágúst.

Svo söng þjóðskáldið í eyru okkar sem ung unnum í „vinnslunni“ og horfðumst í augu við þann gula í flökuninni. En undanfarin ár hefur færibandið snúið í hina áttina og textinn ætti betur við líðandi stund sem: „Þúsund þorskar á færibandinu þokast fjær!“. Ástæðan er ekki minni afli eða færri fiskar, heldur aðstæður okkar út í hinum stóra heimi. Tollar ESB á unnar vörur hindra okkur í að vinnan allan bolfisk, þ.m.t. lax, í neytendaumbúðir hér heima. Það er vitað mál að aldrei verður hægt að vinna hér nema hluta aflans inn á ferska markaðinn í Evrópu.

Mánudaginn 27. júlí fór Selatalningin mikla fram á Vatnsnesi í 16. skipti á vegum Selaseturs Íslands. Alls tóku 43 manns þátt í talningunni. í tilkynningu á vef Selasetursins segir að í fyrrasumar varð 19% fækkun sela miða við talninguna árin tvö á undan. Vonast var til að um frávik væri að ræða og því varð niðurstaðan úr talningunni nú í júlí talsverð vonbrigði því fjöldinn stóð nánast í stað frá í fyrra, 441 selur talinn.

Knattspyrnusamband Íslands og Halldór Jón Sigurðsson (Donni þjálfari) hafa komist að samkomulagi um að hann láti af störfum sem þjálfari U19 landsliðs kvenna. Donni er búsettur á Sauðárkróki og „...eftir yfirferð á stöðu mála hafa aðilar komist að þeirri sameiginlegu niðurstöðu að erfitt sé til lengri tíma að samræma umfang starfsins þeim ferðalögum og þeim kröfum sem fylgja starfinu,“ segir í yfirlýsingu frá KSÍ.

Þann 1. ágúst s.l. tók Ólafur Þór Ólafsson til starfa sem sveitarstjóri Sveitarfélagsins Skagastrandar. Þessa fyrstu viku í starfi hefur hann verið að setja sig inn í hin ýmsu málefni er varða sveitarfélagið og haft í mörg horn að líta. Ólafur Þór hefur áður verið sveitarstjóri hjá Tálknafjarðarhreppi og Reykhólahreppi en kemur upphaflega frá Suðurnesjum. Hann ólst upp í Sandgerði þar sem hann var lengi starfandi í sveitarstjórnarmálum, m.a. forseti bæjarstjórnar Sandgerðisbæjar og formaður bæjarráðs Suðurnesjabæjar.

Elvar Einarsson bóndi á Syðra-Skörðugili er maður ekki einhamur. Elvar er formaður hestamannafélagsins Skagfirðings sem var mótshaldari Landsmóts á Hólum og var Elvar formaður framkvæmdanefndar. Blaðamaður Feykis náði að setjast niður með Elvari kl: 8 að morgni 16. júlí en þá var hann staddur heima hjá sér í stutta stund en annars var hann og hans fólk statt í hestaferð með erlenda ferðamenn og var verið að leggja af stað í legg dagsins.

Eins og varla hefur farið framhá lesendum Feykis þá var Unglingalandsmót UMFÍ haldið á Sauðárkróki um verslunarmannahelgina. Mótið heppnaðist vel í alla staði og veðrið spilað með. Ljósmyndarar á vegum UMFÍ voru duglegir við sína iðju og fékk Feykir góðfúslegt leyfi til að birta myndasyrpu frá mótinu.

Undanfarna mánuði hefur verið unnið að sameiningu Undirfells- og Þingeyrasóknar vegna fámennis í báðum sóknum. Í Húnahorninu segir að í kjölfar þeirrar vinnu hafi legið fyrir að þörf væri aðeins fyrir eina kirkju innan sameinaðs safnaðar og var ákveðið að Þingeyrakirkja yrði sóknarkirkja.