Fréttir

Aðalfundur Kaupfélags Skagfirðinga var haldinn fimmtudaginn 16. apríl 2026 í Menningarhúsinu Miðgarði í Varmahlíð og hófst með hádegis-verði. Dagskrá var samkvæmt samþykktum félagsins. Fram kemur í ársskýrslu KS að hagnaður varð af rekstri samstæðunnar á árinu 2025 sem nam 3.712 milljónum króna sem er heldur meiri hagnaður en árið á undan en 2024 var hagnaðurinn 3.348 millj. kr.

Forsenda þess að umsókn Íslands um inngöngu í Evrópusambandið var samþykkt af ráðherraráði þess á sínum tíma var meðal annars sú að landið samþykkti meginreglur sambandsins um algert vald (exclusive competence) þess yfir sjávarútvegsmálum og um jafnan aðgang að fiskimiðum ríkjanna. Þetta kemur til að mynda skýrt fram í umsögn ríkisstjórnar Evrópusambandsins (framkvæmdastjórnarinnar) sem lá til grundvallar ákvörðun ráðsins.

Í lok kjörtímabils er eðlilegt að staldra við og skoða helstu áskoranir og möguleika sem sveitarfélagið stendur frammi fyrir. Mikilvægt er að nálgast slíka umræðu af yfirvegun og raunsæi, með áherslu á framkvæmdahæfni, gagnsæi og bætt lífsgæði íbúa. Að setja markmið sem byggjast á raunhæfum fyrirætlunum skapar traust og gerir sveitarfélaginu kleift að vinna markvisst að umbótum. Í því samhengi vil ég benda sérstaklega á þjónustu við fjölskyldur, þróun fasteignagjalda og aðstöðu fyrir eldri borgara.

Flotbryggjurnar í smábátahöfninni á Skagaströnd urðu fyrir hnjaski í óveðrinu sem gekk yfir landið í lok mars. Í gær mættu kafarar í heimsókn sem skelltu sér í sund í góða veðrinu og skiptu um lása og strekktu á keðjum.

Það er allt undir í kvöld þegar Tindastólsmenn taka á móti Stjörnunni í þriðja leik liðanna í undanúrslitum Bónus deildarinnar. Leikurinn verður í Síkinu og nú kemur ekkert annað en sigur til greina hjá Tindastólsmönnum því körfuboltavertíðinni á Króknum er hreinlega lokið ef Stjarnan nælir í þriðja sigurinn í þremur leikjum. „Leikurinn leggst bara vel í mig, þetta verður líklega hörkuleikur eins og fyrstu tveir og bara skemmtun,“ sagði Pétur fyrirliði Stólanna þegar Feykir hafði samband í morgun.

Landsfundur Sjálfsbjargar – landssambands hreyfihamlaðra, var haldinn í sal Sjálfsbjargar í Hátúni í Reykjavík, dagana 24. - 25. apríl. Landsfundurinn sendi frá sér ályktun þar sem segir: „Í aðdraganda sveitarstjórnarkosninga hvetur landsfundur Sjálfsbjargar landssamband hreyfihamlaðra öll sveitarfélög til að gera úrbætur í aðgengismálum og fullnýta það fjármagn sem í boði er frá ríkinu til slíkra verkefna.“

Atkvæðagreiðsla utan kjörfundar vegna sveitarstjórnarkosninga 16. maí 2026 er hafin.

Dr. Ingibjörg Sigurðardóttir, deildarstjóri Ferðamáladeildar Háskólans á Hólum, hefur tekið tímabundið við formennsku, í leyfi Dr. Þórhalls Guðlaugssonar, í stjórn Rannsóknamiðstöðvar ferðamála (RMF). Í frétt á vef Háskólans á Hólum kemur fram að þetta undirstriki mikilvægt hlutverk hennar innan ferðamálafræða og styrki jafnframt stöðu Háskólans á Hólum í rannsóknum og þróun á sviði ferðaþjónustu.

Um liðna helgi tryggði kvennalið Tindastóls í knattspyrnu sig inn í 16 liða úrslit Mjólkurbikars kvenna með 3-0 sigri á liði ÍR. Í dag var svo dregið í keppninni og góðu fréttirnar eru þær að Stólastúlkur fá heimaleik en verri fréttirnar eru að liðið mætir Bestu deildar liði ÍBV en liðin mættust í Lengjubikarnum fyrr í vetur og þá fór illa.

Íbúar á vestanverðum Skaga kættust nú í morgun þegar verktakar mættu með vélar sínar en það styttist í að framkvæmdir hefjist við Skagaveg. Vegagerðin samdi við Mjölni Selfossi um að annast verkið en Páll Sighvatsson hjá Vegagerðinni segir að þeir hafi í dag verið að merkja vinnusvæðið og koma með tæki sín.